रायगड जिल्हा परिषदेचे सीईओ डॉ.भारत बास्टेवाड यांची बदली; नेहा भोसलेंच्या हाती धुरा

| अलिबाग | विशेष प्रतिनिधी |

रायगड जिल्हा परिषदेत झालेल्या 5 कोटी 35 लाख 34 हजार 771 रुपयांचा वेतन घोटाळ्याची चौकशी पोलिसांमार्फत सुरू असतानाच रायगड जिल्हा परिषदेचे मुख्य कार्यकारी अधिकारी डॉ.भारत बास्टेवाड यांची बदली करण्यात आली असून त्यांच्या जागी नेहा भोसले यांची नियुक्ती करण्यात आली असून त्यांना तत्काळ कार्यभार स्वीकारण्याचे आदेश शासनाने पारित केले आहेत.

व्ही. राधा अपर मुख्य सचिव (सेवा) यांनी सामान्य प्रशासन विभाग, मंत्रालय, यांचेकडील आदेशानूसार त्यांची नियुक्ती करण्यात आली आहे. तसेच, नेहा भोसले यांनी नवीन पदाचा कार्यभार डॉ. बास्टेवाड यांच्याकडून त्वरित स्वीकारावा, असे आदेशीत केले आहे. याशिवाय डॉ. भारत बास्टेवाड यांना नागपूर येथे रोजगार हमी योजनेत नियुक्ती देण्यात आली आहे.