म्हसळ्यात रंगपंचमी उत्साहात

| म्हसळा | वार्ताहर |

सालाबादप्रमाणे याही वर्षी म्हसळा शहरामध्ये रंगपंचमी उत्सव मोठ्या उत्साहात आणि आनंदात साजरा करण्यात आला. रंगपंचमीच्या उत्सवात छोट्या-छोट्या बच्चे कंपनीच्या चेहर्‍यावरील आनंद ओसंडून वाहत होता. दरवर्षी म्हसळा कुंभार समाजाच्या वतीने पारंपरिक पद्धतीने लहान मुलांतून राधा-कृष्ण, सुदामा, पेंद्या अशा प्रकारच्या भूमिका बजावणारी मुलं नटूनथटून बैलगाडीमध्ये रथ तयार करून त्यांची संपूर्ण शहरभरातून मिरवणूक काढण्यात आली. शेवटी हा रथ धावीर देव विराजमान झालेल्या ठिकाणी होळीच्या पटांगणात विसर्जित करण्यात आला.