। मुंबई । वृत्तसंस्था ।
जगभरात ओमिक्रॉनचा धोका वाढत आहे. अशा परिस्थितीत RBI ने आज पॉलिसी रेटमध्ये कोणताही बदल केलेला नाही. पॉलिसी रेट पूर्वीप्रमाणेच 4% वर कायम आहे. सध्याच्या परिस्थितीत, बाजार तज्ञांनी आधीच अपेक्षा केली होती की आरबीआय गव्हर्नर शक्तीकांत दास मागील वेळेप्रमाणे पॉलिसी रेटमध्ये कोणताही बदल करणार नाहीत. RBI गव्हर्नर शक्तीकांत दास यांनी रेपो दर 4% वर ठेवताना अर्थव्यवस्थेसाठी मसर्वसमावेशकफ दृष्टीकोन ठेवला आहे.
याशिवाय आरबीआयने रिव्हर्स रेपो दरही पूर्वीच्या स्तरावर म्हणजेच 3.35% ठेवला आहे. चलनविषयक धोरण समितीच्या 6 सदस्यांपैकी 5 सदस्यांनी धोरण दर सध्याच्या पातळीवर ठेवण्यास पाठिंबा दिला होता. शक्तीकांत दास म्हणाले की, स्थायी सुविधा देखील पूर्वीप्रमाणे 4.25% आहे. RBI ने 2021-22 साठी CPI महागाईचा अंदाज 5.3% वर कायम ठेवला आहे.
ओमिक्रॉनचा पराभव करण्यासाठीची तयार
शक्तीकांत दास म्हणाले की जागतिक स्पीलओव्हर व्यवस्थापित करण्यासाठी आमच्याकडे अनुकूल कालावधी आहे. त्याचप्रमाणे महागाईचं उद्दिष्ट्य गाठण्यासाठी अर्थव्यवस्था सक्षम आहे. आम्ही COVID-19 चा सामना करण्यासाठी अधिक चांगल्या प्रकारे तयार आहोत, असं गव्हर्नर म्हणाले.