। नवीन पनवेल । वार्ताहर ।
पनवेल स्टेशन परिसर वार्ड क्रमांक 30 तक्का रोड या रहदारीच्या रस्त्यावर त्रासदायक होत असलेली अनधिकृत वस्ती हटवण्याची मागणी मनसेच्या रायगड जिल्हा महिला अध्यक्ष अदिती सोनार, प्रीती खानविलकर, शोभा गोरीवले, योगिता गुंजाळ, प्रज्ञा पाटील यांनी पालिका आयुक्तांकडे निवेदनाद्वारे केली आहे. पन
वेल स्टेशनवरून तक्का विभागाकडे जाणार्या रस्त्यावर अनधिकृत वस्ती वसली आहे. या वस्तीचा रस्त्यावरून पायी जाणार्या रहिवाशांना विशेषतः महिला व मुलींना नाहक त्रास सहन करावा लागत आहे. अनेकदा या मार्गावर गलिच्छ शब्द वापरून धमकावण्याचे प्रकार घडू लागले आहेत. त्यामुळे या ठिकाणाहून ये-जा करणार्या नागरिकांमध्ये भीतीचे वातावरण पसरले आहे.
भविष्यात या मार्गावर अनुचित प्रकार घडण्याची शक्यता नाकारता येत नाही. त्यामुळे या समस्येकडे लक्ष देऊन गुन्हेगारी प्रवृत्तीला आळा बसावा. तसेच या वस्तीवर योग्य ती कारवाई करण्याची मागणी मनसेच्यावतीने करण्यात आली आहे.