ब्रश स्ट्रोक्स कला प्रदर्शनाला प्रतिसाद
| उरण । वार्ताहर ।
नागरिकांना कलेची आवड निर्माण व्हावी, कले विषयी जनमानसात जनजागृती व्हावी. कलेचा नागरिकांना प्रत्यक्ष अनुभव, आनंद घेता यावा या दृष्टीकोनातून कलाकार सचिन पेडणेकर, निखिल कांबळे,मोनाली खातळे, निलेश पावसकर या चार प्रतिभावंत कलाकारांनी एकत्र येत मुंबई मधील नेहरू आर्ट गॅलरी, ऍनि बेसन्ट रोड, वरळी, मुंबई येथे दि 18 ते 24 एप्रिल दरम्यान ब्रश स्ट्रोक कला प्रदर्शनाचे आयोजन केले असून या प्रदर्शनाचे उद्घाटन अभिनेत्री वीणा जामकर व रूपेश पाटील यांनी केले.
या चित्रकला प्रदर्शनात सचिन पेडणेकर, निलेश पावसकर, निखिल कांबळे, मोनाली खातळे यांच्या चित्रांचा समावेश आहे. प्रदर्शनाच्या पहिल्या दिवसापासून या कला प्रदर्शनाला रसिक प्रेषकांचा, नागरिकांचा खूप मोठा प्रतिसाद मिळाला आहे. सदर कला प्रदर्शन 24 एप्रिल 2023 पर्यंत सुरु असणार असल्याने कला प्रदर्शन बघण्यासाठी नागरिकांची गर्दी दिवसेंदिवस वाढतच चालली आहे
