पळस्पे चौकीच्या माध्यमातून रस्ते सुरक्षा अभियान

| पनवेल | वार्ताहर |

पनवेलजवळील महामार्ग पोलीस केंद्र पळस्पे चौकी या ठिकाणी सुखविंदर सिंग, अपर पोलीस महासंचालक (वा) महाराष्ट्र राज्य, मुंबई, तानाजी चिखले, पोलीस अधीक्षक, महामार्ग पोलीस रायगड परिक्षेत्र, घनश्याम पालंगे, पोलीस उपअधीक्षक महामार्ग पोलीस रायगड विभाग तसेच गौरी मोरे, महामार्ग पोलीस पनवेल विभाग यांचे मागदर्शनाखाली सडक सुरक्षा जीवन रक्षा हा उद्देश डोळ्यासमोर ठेवून रस्ते सुरक्षा अभियान 2024 च्या अनुषंगाने मुख्य कार्यक्रमाचे आयोजन करण्यात आले होते. सदर रस्ता सुरक्षा अभियानात महामार्गावर होणारे अपघात व त्याची कारणे, परिणाम व त्यावर करण्यात येणार्‍या उपायोजनाबाबत व वाहतूक नियमाचे पालन करणेबाबत तसेच अपघात समयी जखमींना तात्काळ मदत करणेबाबत उपस्थितांना मार्गदर्शक करण्यात आले.

सदर कार्यक्रमाकरिता प्रमुख पाहुणे तानाजी चिखले पोलीस अधीक्षक महामार्ग पोलीस केंद्र रायगड परिक्षेत्र, प्रीतम म्हात्रे माजी विरोधी पक्ष नेता पनवेल महानगरपालिका, रामदास शेवाळे, घनश्याम पलंगे, गौरी मोरे, अजय कराळे, गुरुनाथ साठेलकर, थॉमस इसो, ज्युड फर्नांडिस, कॅरी इनदेव, सुधीर ठोंबरे, दिलीप चवरे, संदेश घरत प्रमुख अतिथी मान्यवर उपस्थित होते. तसेच सुधागड हायस्कूल कळंबोली, जनता विद्यालय आजीवली व रायगड जिल्हा परिषद शाळा भिंगार कडील एकूण 350 शाळेचे विद्यार्थी तसेच मृत्युंजयदुत, देवदूत टीम, डेल्टा फोर्स टीम, महामार्ग पोलीस केंद्र पळस्पेकडील पोलीस अधिकारी व अंमलदार व पंचक्रोशीतील सुजाण नागरिक असे एकूण 400 ते 500 जनसमुदाय उपस्थित होते.