। अलिबाग । भारत रांजणकर ।
भारतीय क्रिकेट संघाचे सुपरस्टार क्रिकेटर रोहित शर्मा आणि रिषभ पंत यांनाही अलिबागच्या सौदर्याची भुरळ पडली आहे. भाऊचा धक्का येथून रोरो बोटसेवेने आज रविवारी सकाळी शर्मा आणि पंत हे आपल्या मित्रांसोबत मांडवा बंदरात दाखल झाले. त्यांना पाहण्यासाठी चाहत्यांनी गर्दी केली होती. अनेक कलाकार, उद्योगपती यांच्यासह क्रिकेटर याचेही अलिबाग हे आवडते ठिकाण होऊ लागले आहे. रविवार विकेंडचा आनंद घेण्यासाठी रोहित शर्मा आणि रिषभ पंत हे अलिबागमध्ये मौजमजा करण्यासाठी आले आहेत. अलिबाग तालुका हा निसर्गाने आणि विस्तीर्ण समुद्र किनाऱ्याने नटलेला आहे. त्यामुळे लाखो पर्यटक हे पर्यटनासाठी अलिबागेत दाखल होतात. क्रिकेट जगतातील देव मनाला जाणारा सचिन तेंडुलकर यांच्यासह अजित आगरकर हे दोघेही अलिबागकर झाले असून खारगल्ली येथे त्याचा बंगला आहे. तर रवी शास्त्री याचा सुद्धा मांडवा येथे बंगला आहे. सिनेसृष्टीतील सुपरस्टार शाहरुख खान यांच्यासह दीपिका पदुकोण, रणवीर सिह, विराट कोहली व अनुष्का शर्मा याचेही फार्म हाऊस अलिबाग मध्ये आहेत. अलिबागची भुरळ आता रोहित शर्मा आणि रिषभ पंत यांनाही पडली असून भविष्यात ते सुद्धा अलिबागकर होण्याची शक्यता नाकारता येत नाही.
रोहित शर्मा आणि रिशभ पंत अलिबागमध्ये
![](https://krushival.in/grygrars/2021/12/WhatsApp-Image-2021-12-05-at-2.05.54-AM-1024x576.jpeg)