गावोगावी संजोग वाघेरे यांचे उत्स्फूर्त स्वागत

| पनवेल | वार्ताहर |

33 मावळ लोकसभा मतदारसंघाचे महविकास आघाडी चे अधिकृत उमेदवार संजोग वाघेरे पाटील यांचे गावोगावी उत्स्फूर्त स्वागत होत आहे. महाविकास आघाडीच्या वतीने आयोजित गाव बैठकांना मिळणारा प्रतिसाद प्रस्थापितांच्या ऊरात धडक्या भरवणारा आहे. सोमवारी संजोग वाघेरे पाटील यांनी पनवेल तालुक्यातील विविध गावांना भेट दिली. त्यांच्या समवेत महाविकास आघाडीतील मित्र पक्षांचे मान्यवर नेते उपस्थित होते. पनवेल तालुक्यातील चीपळे गावापासून प्रचार बैठकांना प्रारंभ करण्यात आला. भोकरपाडा, बोनशेत, विहिघर, नेरे, वाजे, शिवणसई, दुंदरे, चींचवली, रीटघर, धामणी, धोदानी, आंबिवली, वांगणी, पाली, मोहो, शिवकर, उसर्ली, विचुंबे, देवद येथे संजोग वाघेरे पाटील यांचे मोठ्या उत्साहात स्वागत करण्यात आले. सोमवारी (दि. 29) झालेल्या गाव बैठकांना संजोग वाघेरे पाटील यांच्या समवेत माजी आ. बाळाराम पाटील, जिल्हा संपर्कप्रमुख बबन पाटील, जिल्हाप्रमुख शिरीष घरत, काशिनाथ पाटील, आर. सी. घरत, पनवेल तालुका चिटणीस राजेश केणी, हेमराज म्हात्रे, विलास फडके, रामदास पाटील, भरत पाटील, दिपक निकम, योगेश तांडेल, विश्‍वास पेटकर, महेश साळुंखे यांच्या समवेत महाविकास आघाडी चे पदाधिकारी आणि कार्यकर्ते मोठ्या संख्येने उपस्थित होते.