संत सेवालाल महाराज प्राणप्रतिष्ठापना सोहळा

माजी नगराध्यक्ष प्रशांत नाईक, चित्रलेखा पाटील यांची प्रमुख उपस्थिती

| अलिबाग | प्रतिनिधी |

अलिबाग बंजारा समाजाच्यावतीने श्री संत सेवालाल महाराज यांच्या मुर्तीची प्राणप्रतिष्ठापना व श्री माता पोहरादेवी उत्सवानिमित्त शोभा यात्रेचे आयोजन अलिबाग- शास्त्रीनगर (कोळीवाडा) येथे करण्यात आले होते. या सोहळ्यानिमित्त माजी नगराध्यक्ष प्रशांत नाईक, शेकाप महिला आघाडी प्रमुख चित्रलेखा पाटील यांनी भेट दिली. सेवालाल महाराज व पोहरा देवीचे त्यांनी दर्शन घेतले.

यावेळी नगरपरिषद माजी सदस्य अनिल चोपडा, माजी उपनगराध्यक्षा ॲड. मानसी म्हात्रे, ॲड. गौतम पाटील, अजय झुंजारराव, वृषाली ठोसर, शैला भगत, जयश्री पेरेकर, महेश शिंदे, प्रशांत आंबेकर, अश्वीन लालन, रवि थोरात, अलिबाग बंजारा समाज कमिटीचे प्रकाश राठोड, लक्ष्मण पवार, किशोर जाधव, राजू जाधव, शिवराम जाधव, शांताबाई जाधव, सिता राठोड आदी मान्यवर व बंजारा समाज मोठ्या संख्येने उपस्थित होते.

यावेळी शेकाप महिला आघाडी प्रमुख चित्रलेखा पाटील म्हणाल्या, संत सेवालाल महाराजांनी समाजाला जगण्याचा मार्ग दिला. त्यांच्याकडून प्रेरणा घेऊन बंजारा समाज आज ताठ मानेने जगत आहे. प्रशांत नाईक यांच्यासारखे अलिबाग नगरीला दातृत्व मिळाले. या समाजाचा सर्वांगिण विकास साधण्यासाठी ते कायमच कटीबध्द आहेत. शेतकरी कामगार पक्ष कष्टकरी, शेतकऱ्यांच्या पाठीशी राहिला आहे. या घटकाला केंद्रबिंदू मानून त्यांच्या विकासासाठी नेहमीच प्रयत्न केले जात आहेत, असे त्यांनी सांगितले.