। पनवेल । वार्ताहर ।
शहरातून बकरी या प्राण्याची चोरी करणार्या दोघांपैकी एका चोरट्याच्या शहर पोलिसांनी मुसक्या आवळल्या आहेत. सलीम बाबु शेख (43) असे या अटक करण्यात आलेल्या चोराचे नाव आहे. तसेच गुन्ह्यातील तीन बकर्या व गुन्ह्यात वापरलेली गाडी असा मिळून जवळपास लाखो रुपये किंमतीचा ऐवज हस्तगत केला आहे. सदर आरोपी हा सराईत गुन्हेगार असून, यापूर्वी सुद्धा त्याने मुंबई परिसरात अशा प्रकारच्या चोरीच्या घटना केल्या आहेत.