सराईत रिक्षाचोर गजाआड

दीड लाखांच्या तीन रिक्षा केल्या हस्तगत
| पनवेल | वार्ताहर |
पनवेल परिसरातून तीन रिक्षा चोरणार्‍या सराईत गुन्हेगारास पनवेल शहर पोलिसांनी गजाआड केले असून, त्याच्याकडून आत्तापर्यंत 1 लाख 75 हजारांच्या तीन चोरीच्या रिक्षा हस्तगत करण्यात आल्या आहेत. पनवेल शहर परिसरात गेल्या काही दिवसांपासून रिक्षा चोरीचे प्रमाण वाढले होते. त्यामुळे वपोनि अजयकुमार लांडगे यांच्या मार्गदर्शनाखाली पोलीस निरीक्षक (गुन्हे) संजय जोशी यांच्या सहकार्याने गुन्हे प्रकटीकरण पथकाचे सहा. पोलीस निरीक्षक अनिल देवळे, पो. हवा. नितीन वाघमारे, नितीन वाघमारे, पो.ना. पंकज पवार, विनोद पाटील, भगवान साळुंके, गणेश चौधरी, पो.शि. राजू खेडकर आदींचे पथक वेगवेगळ्या ठिकाणी सिसिटीव्ही फुटेज व गोपनीय बातमीदारद्वारे माहिती घेत असताना नुकताच तळोजा जेलमधून सुटलेला आरोपी सूरज लक्ष्मण झावरे (20) याने सदर रिक्षा चोरी केल्याची माहिती मिळाल्याने त्याला या पथकाने सापळा रचून पनवेल परिसरातून ताब्यात घेतले असता त्याने पनवेलमधून तीन रिक्षा चोरल्याची कबुली दिली आहे.