जीवनावश्यक वस्तूंचे वाटप, स्वच्छेतसाठी केली मदत
| चिपळूण | प्रतिनिधी |
पुणे येथील स्कॉन प्रो फाऊंडेशनने महापुराच्या दुसर्याच दिवशी आपल्या 45 हून अधिक स्वयंसेवकांच्या मदतीने सलग आठवडाभर पूरग्रस्तांना समर्थपणे उभे राहण्यासाठी मोठा हातभार लावला. चिपळूण तालुक्यातील मार्गताम्हाणेचे सुपुत्र निलेश चव्हाण यांना जन्मभूमीतील नागरिकांवर आलेले संकट समजताच आपल्या कर्मचारी व अधिकारीवर्गाला ऑन ड्युटी असताना चिपळूणला थेट मदतीसाठी पाठवून दिले. घरगुती वापराच्या साहित्याचे पाच ट्रक, पंधराशे कुटुंबियांना एक महिन्याचे पुरेल असे रेशन, एक हजार ब्लँकेट, एक हजार चटई, एक हजार चादर, तीन हजार लोकांना कपडे, सलग आठ दिवस दोन वेळा दोन हजार लोकांची जेवणाची व्यवस्था, अशा प्रकारे सामाजिक योगदान देऊन पूरग्रस्तांना समर्थपणे उभे राहण्यासाठी मोलाचा हातभार लावला. एवढे मोठे कार्य करत असताना कोणताही गाजावाजा नाही की कुठेही वाच्यता नाही.एनडीआरएफच्या टीमकडून गरजवंतांची माहिती घेऊन तिथपर्यंत प्रामाणिकपणे पोहोचण्याच्या केलेल्या स्कॉनच्या प्रयत्नांचे या टीमकडूनदेखील कौतुक करण्यात आले.
फाऊंडेशनचे 45 हून अधिक सदस्य तसेच स्कॉन कंपनीचे शंभरहून अधिक कामगारांनी चिपळूण तसेच महाड याठिकाणी पूरग्रस्त भागात जोरदार स्वच्छता मोहीम राबविली. काही ठिकाणी आर्थिक पाठबळ देण्याचादेखील चांगला प्रयत्न स्कॉनने केला आहे.
यामध्ये स्वयंसेवक म्हणून संतोष चव्हाण, सतीश चव्हाण, शैलेश मोरे, निनाद चव्हाण, राजू चव्हाण, राजू थरवळ, संदेश साळवी, दिलीप खेतले, विजय कदम, बुद्धघोश गमरे, रमेश मिसाळ, अमोल आवळे, किशोर दरेकर, भूषण इंदलकर, विराज शिर्के, अनिल दरेकर, नरेंद्र पवार, बिष्णू नाईक, आकाश लांजूरकर, पराग गुरव, शैलेश चव्हाण, सुनील सावंत इत्यादींनी मदतीने हे समाजिक कार्य पार पाडले.