इंग्लंड क्रिकेटबोर्डावर गंभीर आरोप

| लंडन | वृत्तसंस्था |

इंग्लंड क्रिकेट बोर्डवर असा आरोप आहे की, ते त्यांच्या सर्वोच्च देशांतर्गत स्पर्धा डिसेबिलिटी प्रीमियर लीगमध्ये अशा खेळाडूंना खेळण्याची परवानगी देत आहेत, जे ठरलेल्या मानकांनुसार दिव्यांग नाहीत.

जय चरण आणि ॲलेक्स जर्विस यांसारख्या इंग्लंडच्या माजी आंतरराष्ट्रीय खेळाडूंच्या पालकांनी हा मुद्दा उपस्थित केला आहे. त्यांचे म्हणणे आहे की, लीगमध्ये त्यांच्या मुलांची जागा अशा खेळाडूंनी घेतली आहे, जे ईसीबीच्या लर्निंग डिसेबिलिटी (एलडी) म्हणजेच शिकण्याच्या अक्षमतेच्या वैद्यकीय निकषांची पूर्तता करत नाहीत. एका पालकांच्या अंदाजानुसार, अलीकडील ड्राफ्टमध्ये निवडलेल्या 64 पैकी 12 खेळाडू कोणत्याही दिव्यांगत्वाशिवाय आहेत. नियमांनुसार, आंतरराष्ट्रीय स्तरावर या श्रेणीत खेळण्यासाठी खेळाडूचा आयक्यू 75 किंवा त्यापेक्षा कमी असावा.

असा आरोप आहे की ईसीबीने लीगमध्ये अशा अनेक खेळाडूंना समाविष्ट केले आहे, जे या कठोर निकषांवर खरे उतरत नाहीत. यापैकी अनेक तर मुख्य प्रवाहातील व्यावसायिक क्रिकेट खेळतात.या गोंधळाचा थेट परिणाम होतकरू खेळाडूंवर होत आहे. लीगच्या इतिहासात सर्वोत्तम बॉलिंग सरासरी आणि स्ट्राइक रेट असलेले जय चरण आणि एक दशकापासून खेळणारे ॲलेक्स जर्विस यांना केवळ मड्रिंक्स कॅरियरफ (पाणी पाजणारे) या भूमिकेपर्यंत मर्यादित ठेवण्यात आले. निराश होऊन जयने स्पर्धाच सोडून दिली. यॉर्कशायर डिसेबिलिटी संघाचे व्यवस्थापक ओवेन जर्विस यांचे म्हणणे आहे की, चुकीच्या पद्धतीने एलडी श्रेणीत ठेवलेले नवीन खेळाडूच सर्व फलंदाजी आणि गोलंदाजी करत आहेत. मूळ खेळाडूंना केवळ क्षेत्ररक्षण करण्यासाठी सोडून दिले आहे, ज्यामुळे त्यांचे मनोधैर्य खचत आहे. ईसीबीचे डिसेबिलिटी क्रिकेट व्यवस्थापक रिचर्ड हिल यांनीही एका ईमेलमध्ये मान्य केले होते की, हाय-फंक्शनिंग खेळाडूंच्या लीगमध्ये येण्यामुळे आव्हाने वाढत आहेत.