भारतीय पथकाचा शरथ कमल ध्वजवाहक

| नवी दिल्ली | वृत्तसंस्था |

ऑलिम्पिकचे वर्ष आहे. यंदा पॅरिसमध्ये जुलै महिन्याच्या अखेरीस ऑलिम्पिकला सुरुवात होणार आहे. या मोठ्या स्पर्धेसाठी भारताचा दिग्गज टेबल टेनिसपटू शरथ कमल याला ध्वजधारक बनण्याचा मान देण्यात आला आहे.

त्याला ऑलिम्पिक 2024 साठी भारतीय पथकाचा ध्वजधारक म्हणून नेमण्यात आले असून ऑलिम्पिक पदक विजेची बॉक्सर मेरी कोम हिला प्रमुख बनवण्यात आले आहे. याबद्दल इंडियन ऑलिम्पिक असोसिएशनने माहिती दिली आहे. दरम्यान ऑलिम्पियन शिवा केशवन यांना उपप्रमुखपद देण्यात आले आहे. याबद्दल इंडियन ऑलिम्पिक असोसिएशनने म्हटले आहे की मखेळासाठी मेरी कोमने दिलेले अतुलनीय समर्पणामुळेच तिची निवड ऑलिम्पिकमध्ये आमच्या खेळाडूंना मार्गदर्शन करण्यासाठी करण्यात आली आहे.

त्याचबरोबर ऑलिम्पिक पदक विजेता गगन नारंग शुटिंग रेंजमध्ये भारताचे व्यवस्थापन पाहिले. कारण शुटिंग रेंज स्पर्धेच्या मुख्य ठिकाणापासून बरेच लांब आहे. नेमबाजीत 19 कोटा भारताने आत्तापर्यंत मिळवले आहेत. त्यामुळे हे भारताचे नेमबाजीतील सर्वात मोठे पथक असणार आहे.