। अलिबाग । प्रतिनिधी ।
अलिबाग पेण मार्गावर ट्रक आणि शिवशाही एसटी बसचा अपघात झाला. या अपघातामध्ये दोन्ही वाहनांचे नुकसान झाले. सुदैवाने जीवीतहानी झाली. ही घटना आज दुपारी सागाव जवळ घडली. अपघातामुळे दोन्ही मार्गावरील वाहतूक काही वेळ ठप्प झाली होती.
अलिबाग आगारातून दुपारी साडेबारा वाजण्याच्या सुमारास विना थांबा शिवशाही एसटी बस पनवेलकडे निघाली होती. दुपारी पावणे एक वाजण्याच्या सुमारास सागाव जवळ आल्यावर समोरून मालवाहतूक ट्रक आला. या दोन्ही वाहनांची समोरासमोर धडक लागली. या धडकेत दोन्ही वाहनांचे प्रचंड नुकसान झाले आहे. सुदैवाने मोठी जिवीतहानी टळली. एसटीतील प्रवासी किरकोळ दुखापत वगळता सुखरूप असल्याची माहिती आगारातून देण्यात आली आहे. या अपघातामुळे दोन्ही मार्गावरील वाहतूक ठप्प झाली होती. वाहतूक पोलिसांनी तात्काळ घटनास्थळी धाव घेत वाहतूक कोंडी सुरळीत करण्याचा प्रयत्न केला.
शिवशाही आणि मालवाहू ट्रकचा अपघात
