दक्षिण आफ्रिकेचा विंडीजवर दणदणीत विजय मिळवला
केशव महाराजची हॅट्रिक
सेंट ल्युशिया | वृत्तसंस्था |
केशव महाराजने साकारलेल्या हॅट्रिकच्या बळावर दक्षिण आफ्रिकेने दुसर्या कसोटी सामन्यात वेस्ट इंडिजवर 158 धावांनी दणदणीत विजय मिळवला. याचप्रमाणे दोन कसोटी सामन्यांच्या मालिकेत 2-0 असे यश मिळवले. सामन्याच्या चौथ्या दिवशी उपाहाराआधीच्या दुसर्या षटकात महाराजने किरान पॉवेल, जेसन होल्डर आणि जोशुआ डासिल्व्हा यांना बाद करून हॅट्रिक साकारली. कसोटी क्रिकेटमध्ये हॅट्रिक साकारणारा महाराज हा दक्षिण आफ्रिकेचा दुसरा गोलंदाज ठरला आहे. याआधी 1960मध्ये जेफ ग्रिफिनने इंग्लंडविरुद्ध हॅट्ट्रिक साकारली होती.
वेगवान गोलंदाज कॅगिसो रबाडाने आघाडीच्या तीन फलंदाजांना तंबूत पाठवल्यामुळे विंडीजवरील दडपण वाढले. परंतु महाराजने 324 धावांच्या लक्ष्याचा पाठलाग करणार्या विंडीजचा दुसरा डाव 165 धावांत गुंडाळला. मार्च 2017नंतर दक्षिण आफ्रिकेने प्रथमच परदेशात मालिका जिंकण्याची किमया साधली. दरम्यान, षटकांची गती धिमी राखल्याबद्दल सामन्याच्या मानधनापैकी 60 टक्के दंड आणि जागतिक कसोटी अजिंक्यपदाचे सहा गुण वजा करण्याची कारवाई वेस्ट इंडिजवर करण्यात आली आहे.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.
