रोजगार मेळाव्याला उत्स्फूर्त प्रतिसाद

। रसायनी । वार्ताहर ।

लायन्स क्लब ऑफ पनवेल व जे.एम. म्हात्रे चॅरिटेबल संस्था यांच्या संयुक्त विद्यमाने जनता विद्यालय मोहोपाडा-रसायनी येथे भव्य रोजगार मेळाव्याचे आयोजन करण्यात आले होते. या रोजगार मेळाव्यामध्ये 350 उमेदवारांनी ऑनलाईन रजिस्ट्रेशन केले होते. त्यांच्या प्रत्यक्ष मुलाखती घेण्यात आल्या. त्यापैकी 65 मुलांची निवड करण्यात आली असून 15 ते 17 मुलांना लगेचच कामावर रुजू होण्यासाठी सांगण्यात आले आहे.

यावेळी जे.एम. म्हात्रे चॅरिटेबल ट्रस्टचे अध्यक्ष प्रितम म्हात्रे यांनी आपल्या वक्तव्यात सांगितले की, गावोगावी फिरत असताना असे लक्षात आले कि ‘आम्हाला फक्त नोकरी द्या’ हा एकच शब्द सगळ्यांच्या तोंडी होता. यामुळे येथील प्रत्येक तरुणाला रोजगार व नोकरी मिळाली पाहीजे, हा प्रामाणिक हेतू हा रोजगार मेळावा भरवण्यामागे होता. तसेच, लायन्स क्लब पनवेलचे अध्यक्ष एस.जी. चव्हाण यांनी आपल्याला एकूण 400 जागा उपलब्ध करून दिल्या आहेत. त्यादृष्टीने हा रोजगार मेळावा आपल्याला फायदेशीर ठरेल. तसेच, नवी मुंबईतील एअरपोर्टवर नोकरीसाठी त्यांच्यामार्फत मोफत प्रशिक्षण केंद्र देखील सुरु करण्यात आले आहे. ‘मी फक्त माध्यम आहे’ मेहनत तुम्हाला करायची आहे, असे ही प्रीतम म्हात्रे म्हणाले.

या कार्यक्रमामध्ये माजी नगराध्यक्ष जे.एम. म्हात्रे, नारायण घरत यांच्यासह बाळाराम म्हात्रे, प्रदीप पाटील, दत्ता शिंदे, रमेश पाटील, चंदू पाटील, रंजना गायकवाड, दत्तात्रेय जांभळे, रामचंद्र गायकवाड, बाळाराम कुरंगळे, जगदीश पवार, भालचंद्र राऊत, नाना म्हात्रे, मनीष गायकवाड, ओकांसाहेब, अनिल कुरंगळे, डॉ. स्वप्नील, संगीता म्हात्रे, एकनाथ खाने, गुरुनाथ माळी, संतोष मालकर, अनंत गाताडे, लायन्स क्लबचे अध्यक्ष एस. जी. चव्हाण, विजय गणत्रा, नयन कवले, अशोक गिल्डा, नागेश देशमाने, मनोज म्हात्रे, के.एस. पाटील, अलका चव्हाण, प्रमोद गझहंस, शिवानी जंगम, किशोर शेळके, मोनिका चौलकर आदी उपस्थित होते.