। नवी दिल्ली । वृत्तसंस्था ।
भारतीय हॉकी संघाचा अनुभवी गोलरक्षक पीआर श्रीजेश यंदाच्या जागतिक क्रीडा स्पर्धामधील 2021 वर्षांतील सर्वोत्तम खेळाडूच्या पुरस्काराचा मानकरी ठरला आहे. हा प्रतिष्ठेचा पुरस्कार जिंकणारा तो केवळ दुसरा भारतीय क्रीडापटू आहे. 2020मध्ये भारतीय महिला हॉकी संघाची कर्णधार राणी रामपालने हा पुरस्कार पटकावला होता.श्रीजेशने हा पुरस्कार मिळवताना स्पेनचा स्पोर्ट्स क्लाइम्बिगपटू अॅल्बर्ट गिनेस लोपेझ आणि इटलीचा वुशूपटू मिशेल जिओर्डानो यांना मागे टाकले. टोक्यो ऑलिम्पिकमध्ये ऐतिहासिक कांस्यपदक जिंकणार्या भारतीय पुरुष हॉकी संघाचा सदस्य श्रीजेशला सर्वाधिक 1,27,647 मते मिळाली.