रथयात्रेदरम्यान चेंगराचेंगरी
| नवी दिल्ली | वृत्तसंस्था |
ओडिशातील पुरी येथे प्रसिद्ध भगवान जगन्नाथ रथयात्रेला गुरुवारी सुरुवात झाली. या यात्रेला भाविकांची गर्दी उसळली होती. यादरम्यान रथयात्रेत चेंगराचेंगरी झाली. यात एका भाविकाचा मृत्यू झाला, तर जवळपास 100 भाविक जखमी झाले आहेत. श्वास घेण्यास त्रास होऊ लागल्याने मृत भाविकाला गंभीर अवस्थेत रुग्णालयात दाखल करण्यात आले होते, जिथे डॉक्टरांनी त्याला मृत घोषित केले. जखमींना रुग्णवाहिकेने पुरी जिल्हा मुख्यालय रुग्णालय आणि इतर वैद्यकीय केंद्रांमध्ये नेण्यात आले. भाविक भगवान जगन्नाथ, भगवान बलभद्र आणि देवी सुभद्रा यांचे रथ पाहण्यासाठी आणि ते ओढण्यासाठी बडा दंडा (भव्य रस्ता) वर थांबले होते. अचानक, प्रचंड गर्दीमुळे धक्काबुक्की सुरू झाली, ज्यामुळे चेंगराचेंगरी झाली. अनेक भाविक खाली पडले, ज्यामुळे एकच गोंधळ उडाला.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.