महाविद्यालयाच्या वसतिगृहामध्ये विद्यार्थिनीची आत्महत्या
| नाशिक | वृत्तसंस्था |
नाशिकमध्ये इंजिनिअरिंगच्या विद्यार्थिनीने आत्महत्या केलीची घटना घडली आहे. महाविद्यालयाच्या वसतिगृहामध्ये या विद्यार्थिनीने आत्महत्या केली. आत्महत्येचे कारण अस्पष्ट आहे. आडगाव पोलिसांनी घटनास्थळी धाव घेत तपास सुरू केला आहे. या घटनेमुळे नाशिकमध्ये खळबळ उडाली आहे.
मिळालेल्या माहितीनुसार, नाशिकमध्ये इंजिनिअरिंगच्या विद्यार्थिनीने महाविद्यालयाच्या वसतिगृहामध्येच आत्महत्या केली. अस्मिता संजय पाटील (18) असे आत्महत्या केलेल्या मुलीचे नाव आहे. अस्मिताने महाविद्यालयाच्या वसतीगृहाच्या तिसऱ्या मजल्यावरील रूममध्ये गळफास घेऊन आत्महत्या केली. घटनेची माहिती मिळताच आडगाव पोलिसांनी घटनास्थळी धाव घेत अस्मिताचा मृतदेह ताब्यात घेतला असून शवविच्छेदनासाठी रुग्णालयात पाठवला आहे. अस्मिता इंजिनिअरिंगच्या दुसऱ्या वर्षात शिकत होती. तिने आत्महत्या का केली यामागचे कारण अद्याप अस्पष्ट आहे. या घटनेचा अधिक तपास पोलीस करीत आहेत.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.