पीएनपीच्या वेदांत, प्रार्थनाचे यश
| अलिबाग | प्रतिनिधी |
मुंबई विद्यापीठाच्या 56 व्या युवा महोत्सवाच्या विद्यापीठस्तरीय अंतिम फेरीमध्ये प्रभाकर पाटील एज्युकेशन सोसायटीच्या कला, वाणिज्य व विज्ञान महाविद्यालय, वेश्वी, अलिबाग येथील मराठी आणि हिंदी वक्तृत्व स्पर्धेमध्ये विजय मिळवला आहे. मुंबई विद्यापीठाच्या युवा महोत्सवातील विद्यापीठस्तरीय अंतिम फेरीमध्ये मराठी वक्तृत्व स्पर्धेमध्ये महाविद्यालयाची विद्यार्थिनी प्रार्थना बेटकर हिने तिसरा नंबर प्राप्त करत कांस्यपदक मिळवले आहे. तर, हिंदी माध्यमातील वक्तृत्व स्पर्धेमध्ये महाविद्यालयाचा वेदांत कंटक याने दुसरा नंबर पादाक्रांत करत रौप्यपदक प्राप्त केले आहे.
या दोन्ही विद्यार्थ्यांच्या यशाबद्दल अलिबागमध्ये सर्वत्र त्यांचे कौतुक होत असून, प्रभाकर पाटील एज्युकेशन सोसायटीचे अध्यक्ष जयंत पाटील, कार्यवाह चित्रलेखा पाटील, संचालक प्रा. विक्रांत वार्डे, तर महाविद्यालयाचे प्रा. डॉ. ओमकार पोटे यांनी त्यांचे अभिनंदन केले आहे. या विद्यार्थ्यांसाठी सांस्कृतिक विभाग प्रमुख प्रा. मिलिंद घाडगे आणि त्यांच्या सहकाऱ्यांनी मेहनत घेतली.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.