। पनवेल । वार्ताहर ।
नुकत्याच झालेल्या ठाकूर कॉलेज, कांदिवली येथे नुकतेच आयोजित करण्यात आले मुंबई विद्यापीठ आंतर महाविद्यालयीन निवड चाचणीमध्ये पनवेलच्या बॉक्सर्सनी निवड चाचणी जिंकून अखिल भारतीय आंतरविद्यापीठ स्पर्धेसाठी आपले स्थान निश्चित केले.
सुधागड एज्युकेशन ट्रस्टची विद्यार्थिनी गायत्री पाटील हिने 45 ते 48 किलो वजनी गटात पिल्लेस महाविद्यालयाच्या बॉक्सरला उपांत्य फेरीत आणि खालसा महाविद्यालय मुंबईच्या बॉक्सरचा अंतिम फेरीत पराभव करून प्रथम क्रमांक पटकावला. पनवेल पिल्लई महाविद्यालयातील तेजस धुलुगडे आणि हर्ष उरणकर यांनी 86 आणि 80 किलो वजनी गटात एल डी सोनवणे, महाविद्यालय, एसआयईएस महाविद्यालयातील आणि प्रकाश कॉलेज त्यांच्या प्रतिस्पर्ध्यांचा पराभव करून विजय मिळवला. सर्व बॉक्सर आंतरराष्ट्रीय बॉक्सर आणि माजी ऑलिंपियन मनोज पिंगळे यांचे विद्यार्थी आहेत, ज्यांचे प्रशिक्षक अद्वैत शेंबवणेकर आणि इम्रान खान यांच्या मार्गदर्शनाखाली पनवेल जिमखाना येथे प्रशिक्षण केंद्र आहे.
सुधागड आणि पिल्लेस बॉक्सर्स आंतरविद्यापीठ स्पर्धेसाठी ठरले पात्र
![](https://krushival.in/grygrars/2021/12/BOXER-e1638882425452.jpeg)