ऊसाचा रस देतोय शरीराला थंडावा

| पनवेल | वार्ताहर |

वातावरणात उष्णतेचे प्रमाण वाढल्याने शरीराला थंडावा मिळण्यासाठी प्रत्येक नागरिक वेगवेगळे शीत पेये पितात. त्यात ताक, कोल्ड्रीन, नारळ पाणी, लस्सी पितात तर कुणी ऊसाचा रस पिणे पसंत करतात. उन्हाचा तडाखा वाढला आहे. त्यामुळे अनेक जण शरीराला थंडावा मिळण्यासाठी गुणकारी अशा ऊसाचा रस पिण्याला महत्त्व देत आहेत.

सध्या शहरामध्ये ऊसाच्या रसाची गाडीही फिरत असल्याने नागरिकांना दारातच ताजातवाना अशा ऊसाच्या रसाचा आस्वाद घेता येत आहे. उन्हामुळे नागरिकांच्या घशाला कोरड पडू लागली आहे. त्यामुळे तहान भागविण्यासाठी नागरिकांचे पाय ऊसाचा रस व बर्फखरेदीकडे वळत आहेत. उन्हाच्या वाढत्या दाहकतेमुळे शहारात रस्त्याच्याकडेला रसवंतीगृहे गर्दीने फुलली आहेत. उष्णतेने शरीरातील पाणी कमी होते. त्यामुळे थकवा जाणवतो. अशा वेळी ऊसाचा ताजा रस प्यायल्याने सगळा थकवा दूर होतो. त्यामुळे ऊसाचा रस-पिण्यासाठीही नागरिक गर्दी करीत आहेत. ऊसाच्या रसाचे विविध फायदे आहेत. ऊसाचा रस पिल्याने शरीराल थंडावा मिळतो, आरोग्यासाठी फायदेशीर ऊसाचा रस आहे. कावीळ झालेल्या व्यक्तीस ऊसाचा रस फायदेशीर ठरतो. एनर्जी म्हणून काम करते. रोग प्रतीकारक शक्ती वाढविते. रसामध्ये कॅल्शियम, माग्निशियाम, आयर्न भरपूर प्रमाणात असते. शरीरातील पाण्याची कमरता भरून निघते. कावीळ झालेल्या व्यक्तीस ऊसाचा रस उपयुक्त असून पचन सुधारते. अत्यंत गुणकारी असल्याने ऊसाचा रस पिणे पसंत करतात. त्यामुळे ऊसाच्या रसाला मागणी वाढली आहे. पनवेल शहरात ठिकठिकाणी ऊसाचा रस विकणारे ठिकाणे आहेत. त्यात तहसीलदार कार्यलयाजवळ छत्रपती शिवाजी महाराज चौक परिसरात, जुने पोलीस ठाणे परिसरात, उरण नाका परिसरात, एसटी स्टँड परिसरात, रेल्वे स्टेशन परिसरात आदी ठिकाणी दुकाने थाटण्यात आली आहेत.