| रोहा | प्रतिनिधी |
मुंबई येथे टाटा ग्रुपच्या वतीने मेरोथॉन स्पर्धा पार पडल्या. या स्पर्धेत अष्टमी – रोहा येथील सामाजिक कार्यकर्ते अ. समद बंद्री यांचे चिरंजीव सुहेल बंद्री याने या स्पर्धेत भाग घेऊन उत्कृष्ट कामगिरी केल्याबद्दल टाटा ग्रुपच्यावतीने सुहेल यांना सन्मान चिन्हा व प्रशिस्तीपत्र देऊन मान्यवरांच्या हस्ते गौरविण्यात आले. मुंबई येथील मेरोथॉन स्पर्धेत धावण्याची आणि जिंकण्याची प्रत्येकाची इच्छा असते.
टाटा रियालिटी मध्ये एजीएम पदावर काम करणारे रोह्यातील तरुण होतकरू व हौशी धावपटू सुहेल अ. समद बंद्री याने या स्पर्धेत भाग घेऊन नियोजित वेळेत टप्पा पार केल्याने त्याला उपस्थित मान्यवरांच्या हस्ते मेडल आणि सन्मानचिन्हा देऊन गौरविण्यात आले. आपले मनोगत व्यक्त करताना या स्पर्धेत त्याला नेहमी प्रोत्साहन देणारे आई – वडिल, पत्नी तसेच मित्र ओम शेट्टी आणि विनोद म्हात्रे यांचे त्यांनी विशेष आभार मानले.
सुहेल बंद्रीची मॅरेथॉन स्पर्धेत चमकदार कामगिरी
