| अलिबाग | प्रतिनिधी |
कुरुळ गावातील सर्वसामान्य कुटूंबातील सुयश पाटीलने सेंन्ट जॉन युनिर्व्हसिटी न्यूयॉर्क येथे क्षयरोग या रोगावर यशस्वीपणे संशोधन पूर्ण केले. टिबी या रोगावर बनविलेले औषध सुयशने युनिर्व्हसिटी समितीसमोर सादर केले. या औषधाला त्यांनी मान्यता देत नुकतीच त्याला डॉक्टरेड पदवी न्यूयॉर्क येथे बहाल करण्यात आली. त्याचे सर्व स्तरातून अभिनंदन होत आहे.
क्षयरोग (टीबी) हा अत्यंत संसर्गजन्य रोग आहे. हा रोग जडण्याची बहुतांश कारणे आहेत. या रोगाचे उच्चाटन करण्यासाठी प्रभावी उपचार विकसित करण्याची आणि रुग्णांना प्रदान करण्याची तातडीने गरज आहे. न्यूयॉर्क येथील सेंट जॉन्स युनिव्हर्सिटी येथे शोध निबंधाच्या कामात, त्याने संसर्गापासून जास्तीत जास्त परिणामकारकतेसाठी आणि कमी खर्चात वितरित करण्यासाठी टीबीविरोधी औषधांची पावडर तयार केली. प्रबंध समितीने उपचार पद्धतीचा आढावा घेत पावडरला मान्यता दिली. या प्रकल्पाला डॉ. नितेश कुंदा यांनी मार्गदर्शन केले. सुयशच्या प्रकल्पासाठी औषधनिर्माण विभागाकडून निधी मिळाला. त्याने इन्स्टिट्यूट ऑफ केमिकल टेक्नॉलॉजी (यूडीसीटी), मुंबई येथून पदवी पूर्ण केली आहे.
कुरुळच्या सुयश डॉक्टरेट पदवी बहाल
