नगरपंचायत निवडणुकीसाठी तळा प्रशासन सज्ज

7 शाळांमधील मतदान केंद्रावर होणार मतदान
तळा | वार्ताहर |
तळा शहरातील होऊ घातलेल्या नगरपंचायत निवडणुकीसाठी तळा प्रशासन सज्ज झाले असून शहरातील 6 शाळांमधील मतदान केंद्रावर मतदान पार पडणार आहे.यामध्ये 12 खोल्यांमध्ये प्रभागनिहाय मतदान केंद्रे उभारण्यात आली आहेत.त्याचप्रमाणे मतदान मशीनसह इतर साहित्य बूथ प्रतिनिधी, उमेदवार यांच्या उपस्थितीत सील करण्यात आल्या आहेत.शहरातील 7 शाळांमध्ये मतदान केंद्रे उभारण्यात आली असून एक शिवसेना पुरस्कृत अपक्ष उमेदवार बिनविरोध निवडणूक आल्यामुळे 12 जागांसाठी मतदान पार पडणार आहे.
तळा नगरपंचायतीच्या एकूण मतदारांची संख्या 5929 असून यामध्ये 3010 पुरुष व 2919 महिला मतदारांचा समावेश आहे.यामध्ये प्रभाग क्र.2 साठी एस.एस.निकम इंग्लिश मिडियम स्कुल पूर्वेकडील खोली क्र.2 मध्ये 198 पुरुष आणि 192 महिला असे एकूण 390 मतदार आहेत.प्रभाग क्र.4 साठी उर्दू हायस्कूल तळा पूर्वेकडील खोली क्र.1 मध्ये 210 पुरुष आणि 228 महिला असे एकूण 438 मतदार आहेत.प्रभाग क्र.5 साठी राजिप प्राथमिक उर्दू शाळा तळा पूर्वेकडुन खोली क्र.2 मध्ये 183 पुरुष आणि 166 महिला असे एकूण 349 मतदार आहेत.प्रभाग क्र.6 साठी गो.म.वेदक विद्यामंदिर तळा उत्तरेकडून खोली क्र.2 मध्ये180 पुरुष आणि 185 महिला असे एकूण 365 मतदार आहेत.प्रभाग क्र.8 साठी राजिप प्राथमिक शाळा तारणे पूर्वेकडून खोली क्र.1 मध्ये 141 पुरुष आणि 164 महिला असे एकूण 305 मतदार आहेत.प्रभाग क्र.9 साठी द.ग.तटकरे कला व वाणिज्य महाविद्यालय रंगमंचासमोरील खोली क्र.1 मध्ये 122 पुरुष आणि 127 महिला असे एकूण 249 मतदार आहेत.प्रभाग क्र.11 साठी गो.म.वेदक विद्यामंदिर तळा उत्तरेकडून खोली क्र.2 मध्ये 120 पुरुष आणि 130 महिला असे एकूण 250 मतदार आहेत.प्रभाग क्र.12 साठी एस.एस.निकम इंग्लिश मिडियम स्कुल पश्‍चिमेकडुन खोली क्र.2 मध्ये 203 पुरुष आणि 203महिला असे एकूण 406 मतदार आहेत.प्रभाग क्र.13 साठी एस.एस.निकम इंग्लिश मिडियम पश्‍चिमेकडून खोली क्र.1 मध्ये 119 पुरुष आणि 116 महिला असे एकूण 235 मतदार आहेत.प्रभाग क्र.15 साठी राजिप प्राथमिक शाळा(दगडी शाळा)तळा दक्षिणेकडील खोली क्र.1 मध्ये 186 पुरुष आणि 172 महिला असे एकूण 358 मतदार आहेत.प्रभाग क्र.16 साठी गो.म.वेदक विद्यामंदिर तळा दक्षिणेकडुन खोली क्र.2 मध्ये 190 पुरुष आणि 178 महिला असे एकूण 368 मतदार आहेत.प्रभाग क्र.17 साठी राजिप प्राथमिक शाळा राणेचीवाडी दक्षिणेकडून खोली क्र.2 मध्ये 227 पुरुष आणि 201 महिला असे एकूण 428 मतदार आहेत.एकंदरीत मतदानाची पूर्वतयारी झाली असून तळा प्रशासनाकडून युद्धपातळीवर नियोजन केले जात आहे.