विद्यार्थ्यावर शिक्षिकेचा अत्याचार

| मुंबई | प्रतिनिधी |

शिक्षक आणि विद्यार्थ्याच्या नात्याला काळिमा फासणारी घटना दादर परिसरात घडली. 16 वर्षांच्या मुलावर वारंवार लैंगिक अत्याचार करणाऱ्या 40 वर्षीय शिक्षिकेला पोलिसांनी अटक केली. तिच्या विरोधात गुन्हा दाखल करून तिला अटक करण्यात आली.

पोलिसांनी दिलेल्या माहितीनुसार, गेला वर्षभरापासून ही शिक्षिका सदर विद्यार्थ्यासोबत बळजबरीने शरीरसंबंध ठेवत होती. त्यामुळे तो तणावाखाली होता. कुटुंबियांनी त्याच्या वागण्यातील बदल हेरून त्याला विश्वासात घेतले. त्यावेळी त्याने घडलेला प्रकार सांगितले. याप्रकरणी आरोपी शिक्षेकाला अटक करण्यात आली आहे. आरोपी शिक्षका विवाहीत असून, तिला एक मुलगा आहे. डिसेंबर 2023 मध्ये शाळेतील वार्षिक स्नेहसंमेलनाच्या कार्यक्रमात विद्यार्थी या शिक्षिकेच्या संपर्कात आला होता.

जानेवारी 2024 मध्ये या शिक्षिकेने पहिल्यांदा या विद्यार्थ्यावर अत्याचार केला. विद्यार्थ्याने सुरुवातीला दूर राहण्याचा प्रयत्न केला. पण ही शिक्षिका दुसऱ्या विद्यार्थ्यांच्या माध्यमातून त्याच्याशी संपर्क साधत होती. त्यामुळे तो तणावाखाली होता. आरोपी महिलेने त्याला मोटरगाडीतही बसवून निर्जनस्थळी नेऊन त्याच्यावर अत्याचार केला. त्यानंतर आरोपी महिलेने त्याला काही औषधाच्या गोळ्याही खाण्यासाठी दिल्या होत्या. तसेच महिलेने मुलाला पंचतारांकीत हॉटेलमध्ये ही नेले होते. या सर्व प्रकारामुळे मुलाने कुटुंबियांशी व मित्र-मैत्रिणींशी बोलणे कमी केले होते.

गेल्यावर्षी डिसेंबर महिन्यात विद्यार्थ्याच्या आई-वडिलांना याबाबत कळाले. मात्र, बदनामीच्या भीतीने त्यांनी कोणतीही तक्रार केली नाही. आई-वडील मुलाचा निकाल लागण्याची वाट पाहत होते. आई-वडिलांना वाटले मुलगा 10 वीत उत्तीर्ण झाल्यानंतर शिक्षिका आपल्या मुलाचा पाठलाग सोडेल. त्यानंतरही महिलेने पीडित मुलाला त्रास देणे सुरूच ठेवले. मुलाची मानसिक स्थिती पाहून अखेर कुटुंबियांनी याप्रकरणी पोलिसांकडे तक्रार करण्याचा निर्णय घेतला. त्यांनी शिक्षेकेविरोधात नुकतीच तक्रार दाखल केली. पोलिसांनी घटनेचे गांभीर्य लक्षात घेऊन शिक्षिकेविरोधात पोक्सो कायद्या अंतर्गत गुन्ह दाखल केला आणि त्यानंतर तिला अटक करण्यात आली. याप्रकरणी शिक्षिकेची चौकशी सुरू आहे.