। नवी दिल्ली । वृत्तसंस्था ।
शिखर धवनच्या नेतृत्वाखाली टीम इंडिया श्रीलंका दौर्यासाठी सोमवारी रवाना झाली. विराट कोहलीच्या नेतृत्वाखालील टीम इंडिया इंग्लंड दौर्यावर असल्यामुळे बीसीसीआयने श्रीलंका दौर्यावर दुसर्या फळीतील खेळाडू पाठवण्याचा निर्णय घेतला. या दौर्याचे विशेष म्हणजे महान फलंदाज राहुल द्रविड या संघाच्या मुख्य प्रशिक्षकपदी असणार आहे. त्यामुळे धवनची कॅप्टन इनिंग आणि द्रविडची प्रशिक्षक म्हणून इनिंग कशी होते, याकडे सर्वांचे लक्ष लागले आहे. भारतीय संघातील खेळाडू श्रीलंकेत पोहोचल्यानंतर विलगीकरणात राहणार आहेत.
श्रीलंका दौर्यासाठी निवडलेल्या संघात देवदत्त पडीक्कल, चेतन सकारिया, अर्षदीप सिंग, नितीश राणा, वरुण चक्रवर्थी, ऋतुराज गायकवाड आदी खेळाडूंना पदार्पणाची संधी आहे. भुवनेश्वर कुमार उपकर्णधाराच्या भूमिकेत असून जलदगती गोलंदाजांचे तो नेतृत्व करेल. त्याच्यासह दीपक चहर, हार्दिक पांड्या, कृणाल पांड्या, कुलदीप यादव व युझवेंद्र चहल यांच्यावरही गोलंदाजीची जबाबदारी आहे.
भारतीय संघ
शिखर धवन (कर्णधार), पृथ्वी शॉ, देवदत्त पडीक्कल, ऋतुराज गायकवाड, सूर्यकुमार यादव, मनिष पांडे, हार्दिक पांड्या, नितीश राणा, इशान किशन ( यष्टिरक्षक), संजू सॅमसन (यष्टिरक्षक), युझवेंद्र चहल, राहुल चहर, के गौथम, कृणाल पांड्या, कुलदीप यादव, वरूण चक्रवर्थी, भुवनेश्वर कुमार (उपकर्णधार), दीपक चहर, नवदीप सैनी, चेतन सकारीया
स्पर्धेचे वेळापत्रक
वन डे मालिका – 13, 16 व 18 जुलै, कोलंबो
ट्वेंटी-20 मालिका – 21, 23 व 25 जुलै, कोलंबो