टेम्पोची दुचाकीला धडक; दुचाकीस्वार जखमी

। पनवेल । प्रतिनिधी ।

टेम्पोने दुचाकीला दिलेल्या धडकेत 28 वर्षीय रोहित लखदिवे हा जखमी झाला. याप्रकरणी अनोळखी टेम्पो चालकाविरोधात पनवेल तालुका पोलीस ठाण्यात गुन्हा दाखल करण्यात आला. रोहित लखदिवे रा. घाटकोपर, मुंबई हा मोटरसायकल वरून पुणे येथे गेला होता. तो रात्री जुना मुंबई-पुणे महामार्गावरून जात असताना गोदरेज सिटी ठोंबरेवाडी, पनवेल येथे आला असता टेम्पोने त्याला धडक दिली.