भयानक! दहावीतल्या मुलाने स्वतःवरच झाडली गोळी
| महाड | उदय सावंत |
महाड शहरातील तांबट आळी येथील इयत्ता दहावीमध्ये शिक्षण घेणाऱ्या विद्यार्थ्यांने घरातील शिकारीच्या बंदुकीतून स्वतःवर गोळी झाडून आत्महत्या केली आहे. या घटनेने संपूर्ण महाड शहर हादरले असून आत्महत्येचे कारण अद्याप अस्पष्ट आहे. सुएश सुनील नगरकर वय 17 असे मृत मुलाचे नाव आहे.
महाड शहरातील तांबट येथील सुनील नगरकर यांचा मुलगा सुएश नगरकर हा महाडमधील दगडूशेठ पार्टे विद्यालयात शिक्षण घेत होता. मात्र तो शाळेत जात नव्हता. इयत्ता दहावीला असलेला सुएश हा गुरुवारी दुपारी घरी आला असता त्याने घरातील शिकारीच्या बंदुकीतून स्वतःवरच गोळी झाडून जीवन संपवले. ज्या इमारतीमध्ये ही घटना घडली त्या इमारतीच्या एका गाळ्यामध्येच मृत सुएश याच्या वडिलांचा सोन्याच्या दागिन्यांच्या घडणावळीचा व्यवसाय होता. शिवाय आई देखील याच ठिकाणी काम करत होती. वरून कसला तरी आवाज आला म्हणून खालच्या फ्लॅटमध्ये राहणारी त्याची चुलती धावत गेली असता रक्ताच्या थारोळ्यात पडलेला सुएश दिसून आला.
या घटनेनंतर परिसरामध्ये एकच खळबळ माजली. घटनेचे वृत्त पोलिसांना सतजतात महाड शहर पोलीस ठाण्याचे पोलीस निरीक्षक जाधव आणि त्यांच्या पथकाने धाव घेतली. प्रत्यक्ष घटनास्थळी पंचनामा गेल्यानंतर सुएश याचे शव महाड ग्रामीण रुग्णालय येथे नेण्यात आले. या घटनेने परिसरामध्ये शोककळा निर्माण झाली आहे. पंचनामा झाल्यानंतर पोलीस अधिक तपास करणार आहेत. या विद्यार्थ्याने एवढी टोकाची भूमिका का घेतली, याबाबत प्रश्न निर्माण झाला आहे.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.