भीषण अपघात! डॉक्टरचा जागीच दुर्दैवी मृत्यू
। खोपोली । संतोषी म्हात्रे ।
मुंबई- पुणे एक्स्प्रेस हायवेवर सकाळी एक भीषण अपघात झाला. या अपघातात ट्रेलरवरून कागदी रिम कारवर पडल्याने त्याच्या वजनाने कार अक्षरशः चपटी झाली. या अपघातात चालकाचा जागीच मृत्यू झाला आहे.
कारला फाडून त्याचा मृतदेह बाहेर काढावा लागला. चालक नवी मुंबईतील डॉक्टर असल्याचे समजते.मिळालेल्या माहितीनुसार सकाळी साडेदहाच्या सुमारास नवी मुंबई येथील डॉक्टर आदित्य तंखीवले हे हुंदाई आयटेन या त्यांच्या कारने पुण्याहून मुंबईकडे येत असताना एक्स्प्रेस हायवेवर 40 किलोमीटर अंतरावर ते आले असता त्यांच्या समोर जात असलेला ट्रेलर वळणावर कलंडला व पलटी झाला. त्या ट्रेलरमध्ये कागदाचे भले मोठे रिम होते व ते रिम त्या ट्रेलरमधून सटकले त्यातील काही रिम मागून जात असलेल्या आदित्य तंखीवले यांच्या कारवर ही कोसळले.
रिमचे वजन खूप असल्याने काही कळायच्या आत व सावरायच्या आत आदित्य यांची कार त्या रिमखाली दबली गेली व अक्षरशः चपटी झाली आणि त्यात आदित्यही दाबले गेले. अपघाताची माहिती मिळताच बोरघाट पोलीस, देवदूत यंत्रणा, अपघातग्रस्तानच्या मदतीला या संस्थेचे सदस्य घटनास्थळी पोहचले पण खूप वेळ गेला होता कार मध्ये आदित्य अडकून पडले होते.सर्व बचाव यंत्रणेने कार ला अक्षरशः फाडून आदित्य यांना बाहेर काढले पण त्यांचा जागीच मृत्यू झाला होता.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.