। खोपोली । वार्ताहर ।
खालापूर तालुक्यातील रानसई हद्दीतील झाडीत एका महिलेचा मृतदेह आढळून आल्याने खळबळ उडाली आहे. ही बातमी कळताच वावोशी दुरक्षेत्र आणि खालापूर पोलीसांनी घटनास्थळी धाव घेतली. या घटनेच्या सखोल चौकशी करण्याचे काम सुरू करण्यात आले आहे. हा मृतदेह 35 ते 40 वर्षीय महिलेचा असून हा प्रकार 7 ते 8 दिवसांचा असल्याचे सांगण्यात येत आहे. हा मृतदेह सडला असून या महिलेचे शीर धडावेगळे झाल्याचे दिसून आले. परंतू मृतदेह सडला असल्याकारणाने डोक्याची फक्त कवटीच दिसून आली आणि डोक्याचे केस बाजूला पडलेले होते. केस काळेभोर असून तिच्या नखाला लाल रंगाची नेल पॉलिश दिसत असल्यामुळे ती 35 ते 40 वर्षाची तरुण महिला असल्याचे समजते.
तसेच तिच्या पायात पैंजण आणि गळ्यात मंगळसूत्र असल्यामुळे ती महिला विवाहित असल्याचे समजते. तरी या घटनेची माहिती मिळताच खालापूरचे पोलीस उपविभागीय अधिकारी संजय शुक्ला आहे. मृतदेह शवविच्छेदनाकरिता उपजिल्हा रुग्णालयात पाठविण्यात आले आहे. तरी सदर घटनेची सखोल चौकशी पोलीस उपविभागीय अधिकारी संजय शुक्ला यांच्या मार्गदर्शनाखाली पोलिस उपनिरीक्षक गणेश कराड, सुर्वे, पोलीस हवालदार निलेश सोनवणे, नितीन शेडगे, हेमंत कोकाटे आदी करीत आहेत.
क्राईम स्टोरी! गळ्यात मंगळसूत्र, पायात पैजण; बेवारस महिलेचा सापडला मृतदेह
![](https://krushival.in/grygrars/2022/06/khopoli-1024x473.jpg)