पनवेलमध्ये शिट्टीचा आवाज घुमणार

। पनवेल । प्रतिनिधी ।

पनवेल विधानसभा मतदार संघाचे महाविकास आघाडीचे उमेदवार बाळाराम पाटील यांच्या प्रचार फेरीला उत्स्फूर्त प्रतिसाद लाभत आहे. आम्ही ठरवलंय पनवेल विधानसभा मतदारसंघातून बाळाराम पाटील यांनाच प्रचंड बहुमतांनी विजयी करायचे आहे, अशा प्रतिक्रिया नागरिकांकडून व्यक्त होत आहेत.

खारघरमधील मॉर्निंग वॉक प्रचारादरम्यान बाळाराम पाटील यांनी अनेक मतदारांसोबत संवाद साधला. महाविकास आघाडीचे सर्व कार्यकर्ते आणि पदाधिकारी या प्रचार फेरीमध्ये सहभागी झाले होते. गेल्या अनेक वर्षांपासूनचे बाळाराम पाटील यांचे सामाजिक आणि शहर ग्रामीण विकासाचे काम आम्ही पाहत आहोत. यामुळे त्यांच्यासारख्या विकासाची जाण असणारा आणि नागरिक तसेच कार्यकत्यांचा सन्मान राखणारा आमदारच आम्हाला हवा आहे, असे नागरिकांनी सांगितले.

प्रचारादरम्यान बाळाराम पाटील यांचे ठिकठिकाणी अतिशय उत्साहात स्वागत करण्यात आले. त्यांना विजयासाठी शुभेच्छा देण्यात आल्या. जनसामान्यांनी जो सन्मान आणि विश्‍वास दर्शवला त्याच्या बळावर निश्‍चितच पनवेल विधानसभा मतदारसंघात शिट्टीचा आवाज घुमणार असल्याचे स्पष्ट झाले आहे. यावेळी नागरिकांनी अनेक समस्या मांडल्या. या सोडवण्याचे आश्‍वासन बाळाराम पाटील यांनी दिले आहे.