हॉटेल कर्मचार्‍यानेच केली चोरी

। पनवेल । वार्ताहर ।

पनवेल शहरातील एका हॉटेलमध्ये रिसेप्शनीस्टचे काम करणार्‍या एका कर्मचार्‍याने हॉटेलमधील काऊंटरमध्ये ठेवलेले 33 हजार 804 रुपये चोरी करून पळून गेल्याची घटना घडली आहे. अमन केडीया (32) असे या चोरट्याचे नाव असून त्याने हॉटेलच्या काऊंटरमध्ये ठेवलेले व ग्राहकाने रुम भाड्याचे दिलेले पैसे असे एकूण 33 हजार 804 रुपये घेेवून पसार झाला आहे. याबाबतची तक्रार पनवेल शहर पोलीस ठाण्यात करण्यात आली आहे.