लोकल प्रवासादरम्यान दागिन्यांची चोरी

। पनवेल । प्रतिनिधी ।

हार्बर लोकलने प्रवास करणाऱ्या एका 59 वर्षीय महिलेच्या पर्समधील साडेतीन लाखांचे दागिने चोरी झाल्याची घटना घडली आहे. ठाण्यावरून प्रवासी महिला मानसरोवर रेल्वेस्थानकात उतरल्यावर त्यांना चोरी झाल्याचे समजले. संबंधित महिलेच्या पर्समध्ये सोन्याचे साडेतीन लाखाचे दागिने आणि रोख दोन हजार रुपये होते. याबाबत रेल्वे पोलिसांकडे महिलेने तक्रार नोंदवली.