विहिरीलगतची भिंत कोसळल्याने इमारतीला धोका
18 कुटुंबातील 78 सदस्यांना इतर ठिकाणी हलविले;
महाडमध्ये तारिक गार्डन इमारतीची पुनरावृत्ती शक्यता
| महाड | जुनेद तांबोळी |
महाड शहरात इमारतीची कामे मोठ्या प्रमाणात सुरू असल्याने त्यांच्या दर्जाविषयी प्रश्न चिन्ह निर्माण झाले आहे. शहरातील प्रभात कॉलनी येथील स्मशानभूमीत लगत असलेल्या एका इमारतीलगत विहिरीची भिंत कोसळल्याची घटना सायंकाळी 6 च्या सुमारास घडली आहे. या इमारती मधील 18 सदनिका धारकांना सुरक्षित स्थळी हलविण्यात आले असून शहरात 4 वर्षे पूर्वी घडलेल्या तारिक गार्डनच्या कटू आठवणी पुन्हा ताज्या झाल्या आहेत.
शहरातील 10 वर्षे पूर्वी बांधकाम करण्यात आलेल्या इमारतीमधील विहिरीचे काम सुरू होते. मात्र सदरचे काम करताना योग्य ती खबरदारी घेण्यात न आल्याने शिवम गृह निर्माण संस्था डी विंगला धोका निर्माण झाला आहे. विहिरीची भिंत कोसळल्याने या इमारती मधील 18 कुटुंबातील 78 सदस्यांना नगरपालिका प्रशासनकडून तात्काळ हलविण्यात आले आहे.
चार वर्षांपूर्वी तारिक गार्डनची भीषण दुर्घटना घडली होती. त्याची पुनरावृत्ती होते की काय, अशी भीती रहिवासी सह आसपासच्या नागरिकांना वाटू लागल्याने बिल्डर लॉबी विरोधात संताप व्यक्त करण्यात येत आहे. या घटनेची माहिती मिळताच सर्व पक्षीय नेत्यांनी, कार्यकर्त्यानी धाव घेत रहिवासी यांना धीर दिला.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.