कर्नाळा अभयारण्यात गेलेल्यांची लूट
। पनवेल । वार्ताहर ।
पनवेलजवळील कर्नाळा अभयारण्यात पक्षी निरीक्षण करण्यासाठी गेलेल्या दोघा जणांना अज्ञात दोन व्यक्तींनी धारदार चाकू व छर्‍याच्या बंदुकीचा धाक दाखवून लुटल्याची घटना घडली आहे.
अय्यप्पन हरिहरसुब्रमण्यम (45 रा.चेंबुर) व रविशंकर मंथा असे दोघे कर्नाळा अभयारण्यात पक्षी निरीक्षणासाठी गेले होते. यावेळी या दोघांकडे दोन अज्ञात व्यक्ती आले व त्यांनी त्यांच्याकडील धारदार चाकू तसेच छर्‍याच्या बंदुकीचा धाक दाखवून अय्यप्पन हरिहरसुब्रमण्यम यांच्या गळ्यातील जवळपास 1 लाख 20 हजार रुपये किंमतीची 15 ग्रॅम वजनाची सोन्याची चेन व अय्यप्पा स्वामींचे दोन ग्रॅमचे पेंडण असा सोन्याचा ऐवज काढून घेऊन त्यांना धमकावून ते पसार झाले आहेत. या घटनेची नोंद पनवेल तालुका पोलीस ठाण्यात करण्यात आली आहे.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.