कर्जतमध्ये तीन उमेदवारांची माघार

। नेरळ । प्रतिनिधी ।

कर्जत विधानसभा मतदार संघात सोमवारी (दि.4) नामांकन अर्ज मागे घेण्याच्या निर्धारित मुदतीत 12 पैकी 3 उमेदवारांनी आपले अर्ज मागे घेतल्याने 9 उमेदवार रिंगणात राहिले आहेत. भाजपचे बंडखोर उमेदवार किरण ठाकरे यांनी माघार घेतली आहे. दरम्यान, कर्जत विधानसभा मतदारसंघात आता महायुतीचे महेंद्र सदाशिव थोरवे विरुद्ध महाविकास आघडीचे नितीन सावंत विरुद्ध अपक्ष सुधाकर परशुराम घारे अशी तिरंगी लढत होणार आहे.कर्जत मतदारसंघातील अंतिम उमेदवार महेंद्र सदाशिव थोरव (शिवसेना), नितीन नंदकुमार सावंत (शिवसेना ठाकरे पक्ष), श्रीराम बळीराम महाडिक (बसपा), जाविद अकदास खोत (अपक्ष), महेंद्र लक्ष्मण थोरवे (अपक्ष), विशाल विष्णू पाटील (अपक्ष), सुधाकर परशुराम घारे (अपक्ष), सुधाकर यादवराव घारे (अपक्ष), सुधाकर शंकर घारे (अपक्ष) हे आहेत.