ट्रकची दुचाकीला धडक; पत्नीचा जागीच मृत्यू

| पनवेल | वार्ताहर |

तळोजे औद्योगिक वसाहतीमधील आरएएफ सिग्नल जवळ एका भरधाव ट्रकने ओव्हटेक करणाच्या नादात दुचाकीला धडक दिली. या ठोकरमध्ये मोटारसायकलवर बसलेले पती-पत्नी पैकी पत्नी गंभीर जखमी होऊन मयत झाली आहे, तर पती गंभीर जखमी झाला आहे.

ठाणे जिल्ह्यातील वालकन येथील प्रविण पांडुरंग पाटील (26) हा त्याची पत्नी रविना प्रविण पाटील (26) हिला घेऊन तळोजा गाव येथे दवाउपचार कामी घेऊन जात असतांना आरएएफ सिग्नल ओलांडत असतांना पाठीमागुन अज्ञात चालकाने भरधाव ट्रक (एमएच-04-डीडी-2533) चालवुन ओव्हटेक करीत असताना अचानक डाव्या बाजुस वळवून मोटार सायकलीस ठोकर मारली. यामध्ये पत्नी रविना पाटील हि गंभीर जखमी होऊन मयत पावली, तर पती प्रविण पाटील याचा उजवा हात फॅक्चर झाला आहे. याप्रकरणी अज्ञात ट्रकचालकाविरोधात तळोजा पोलीस ठाण्यात गुन्हा दाखल करण्यात आला आहे.