दक्ष भगत ठरला सामनावीर
| उरण | वार्ताहर |
रायगड जिल्हा क्रिकेट असोसिएशन तर्फे घेण्यात आलेल्या 19 वर्षाखालील मुलांच्या क्रिकेट संघाच्या निवड स्पर्धेत उरण क्रिकेट स्पोर्ट असोसिएशन संघ विजेता ठरला. अंतिम सामन्यात त्यानी एसबीसी महाड संघाचा पराभव केला. अत्यंत अटीतटीच्या आणि शेवटच्या षटकापर्यंत रंगलेल्या या सामन्यात उरण संघाने महाड संघाचा एका गड्याने पराभव केला. उरण क्रिकेट असोसिएशनचा खेळाडू दक्ष भगत हा या स्पर्धेत मालिकाविर ठरला. त्याने संपूर्ण स्पर्धेत 21 बळी घेतले आणि शेवटच्या सामन्यात चार बळी घेतले.
या स्पर्धेत रायगड जिल्ह्यातील एकूण 18 संघानी भाग घेतला होता. 1 फेब्रुवारी पासून लेदर बॉल वर 40 षटकांची ही लिग पद्धतीची स्पर्धा सूरू होती. रविवार दि. 2 रोजी या स्पर्धेचा अंतिम सामना झाला. अंतिम सामन्यात पियुष वाथ आणि सुरज शिरसाट हे दोघे सामनाविर ठरले. या स्पर्धेचे बक्षिस वितरण रायगड जिल्हा क्रिकेट असोशिएशनचे उपाध्यक्ष प्रकाश पावसकर, किरिट पाटील, रायगड जिल्हा क्रिकेट असोसिएशनचे निवड समितीचे अध्यक्ष प्रितम कैया आणि ऑर्डिनेटर सुहास हिरवे यांच्या उपस्थितीत पार पडला. यावेळी प्रशांत माने, सुरेश पटेल, सचिन म्हात्रे हे उपस्थित होते.