पनवेल तालुक्यात नैना विरोधात एकजूट

बोर्ले ग्रामस्थांचे कामबंद आंदोलन

| पनवेल | प्रतिनिधी |

पनवेल तालुक्यात नैना प्रकल्पाच्या विरोधात ग्रामस्थांची एकजूट वाढत चालली आहे. सध्या सुरु असलेल्या गावबंद आंदोलनात बोर्ले ग्रामस्थ ग्रामस्थ रस्त्यावर उतरले होते. त्याचबरोबर महामार्गच्या रस्त्याच्या रुंदीकरणाच्या कामामुळे ग्रामस्थांना अडचणीना सामोरे जावे लागले असल्याने शनिवारी उतरून रस्त्यावर कामबंद आंदोलन केले. त्याला चांगला प्रतिसाद लाभला.

यावेळी ग्रामपंचायत सदस्य घनश्याम महादेव पाटील, दिपीका दीपक कांबळे, माजी सदस्य गोविंद पाटील, दीपक कांबळे, बाळकृष्ण पाटील, भाऊराज् पाटील, गणेश पाटील, वसंत पाटील, जगन पाटील, सचिन विनोद गायकर, महिला ग्रामस्थ ताईबाई पाटील, कमल पाटील, संगीता पाटील असे बहुसंख्य ग्रामस्थ उपस्थित होते.

पनवेल तालुक्यातील मौजे बोर्ले गावा जवळून मुंबई-पुणे शेडुंग बायपास द्रुतगती मार्गाचे रुंदीकरणाचे काम चालू आहे. सदर रस्त्याच्या रुंदीकरणामुळे पिण्याचे पाण्याचे विहिरीवर, कपडे धुण्यासाठी जावे लागणार्‍या तलावावर, शेतकर्‍यांना शेतावर जाण्यास व शेतावर बैल, ग्लैस, बैलगाडा जाण्यास मोठी अडचण होण्याची संभावना आहे. तरी सदर कामाचे बोर्ले ग्रामस्थ शेतकरी यांना चालू असणार्‍या कामाचा त्रास भोगावा लागतो. यावेळी ग्रामस्थांना सदर कामाचे वस्तु स्थिती आजपर्यंत आपल्याकडून लेखी स्वरूपात मिळालेला नाही. याबाबत एमएसआरडीसीकडूनही याबाबतची दखल घेतली जात नसल्याने ग्रासस्थांनी हे आंदोलन सुरु केलेले आहे. समस्यांचे निवारण होईपर्यंत हे आंदोलन सुरुच राहणार असल्याचे ग्रामस्थांनी सांगितले.