भोगल कारभाराविरोधात वंचित बहुजन आघाडी आक्रमक

| वेनगाव | प्रतिनिधी |

कर्जत शहरात सी सी टी व्ही, स्पीड ब्रेकर, अशुद्ध पाणी पुरवठा बंद करणे, पाणी सोडणेची अनियमित वेळ बंद करुन वेळेवर पाणी सोडण्यात यावे, जंतू नाशक फवारणी करणेबाबत बंचित बहुजन आघाडी कर्जतच्या वतीने नगरपरिषदेत निवेदन देन्यात आले. कर्जत शहारात अनेक रस्त्यांवर स्पीड ब्रेकर नसल्याने अपघातांचे खूप मोठया प्रमाण वाढ झाली आहे. तसेच शहरात चोरीचे सुद्धा प्रकार खुप मोठ्या प्रमाणात वाढत आहेत त्यामुळे महत्वाच्या ठिकाणी सीसीटीव्ही कॅमेरे बसवणे आवश्यक आहे. तसेच कर्जत शहरात जंतुनाशक फवारणी होत नसल्यामुळे मच्छरचे प्रमाण सुद्धा खुप वाढले आहेत. गेल्या काही दिवसांपासून अशुद्ध पाणी पुरवठा होत असुन तसेच पाणी सोडणेची वेळ सुद्धा अनियमित असते त्यामुळे शहरातील नागरीक खुप त्रस्त आहेत.

निवेदनामार्फत मागणी करणेत आली की, कर्जत शहरात लवकरत लवकर स्पीड ब्रेकर, सीसीटीव्ही कॅमेरे बसवणेत यावे. तसेच शुद्ध पाणी पुरवठा करणेत यावा तसेच वेळेवर पाणी सोडणेत यावे तसेच जंतूनाशक फवारणी लवकरात लवकर चालू करण्यात यावी. आपण आमच्या निवेदनाची दखल न घेतल्यास पक्षा मार्फत तीव्र स्वरुपाचे आंदोलन छेडण्यात येईल असा इशारा देणेत आला. सदर निवेदन देताना सम्यक विदयार्थी आंदोलचे राज्य प्रवक्ते ॲड. कैलास मोरे, वंचित रा. सचिव अनिल गवळे, जिल्हा संघटक सुनील गायकवाड, वंचित तालुका अध्यक्ष धर्मेंद्र मोरे, महसचिव प्रदिप ढोले, शहर अध्यक्ष लोकेश यादव, सुनिल वाघमारे प्रदिप गायकवाड, आकाश शिंदे, आय. टी सेल प्रमुख प्रणेश यादव,शहर महासचिव शैलेश खोब्रागडे, कमलाकर जाधव, अमित गायकवाड आदि पदाधिकारी उपस्थित होते.