वाहनांना हाय सिक्युरिटी नंबर प्लेट आवश्यक

। रायगड । प्रतिनिधी ।

वाहनांमुळे होणारे गुन्हे कमी करणे, रस्त्यावर धावणार्‍या वाहनांची ओळख पटविणे नंबर प्लेटमध्ये होणारी छेडछाड व बनावटगिरी रोखण्याकरिता सर्वोच्च न्यायालयाच्या निर्देशानुसार वाहनांना हाय सिक्युरीटी नंबर प्लेट बसविणे राष्ट्रीय सुरक्षेच्या दृष्टीने अत्यावश्यक असल्याची माहिती सहाय्यक प्रादेशिक परिवहन अधिकारी पनवेल यांनी दिली आहे.

ज्या वाहनधारकांची वाहने 01 एप्रिल 2019 पूर्वी उत्पादीत झालेली आहेत अशा सर्व संबंधित वाहन मालकांनी बसविण्यासाठी परिवहन विभागाच्या https::transport.maharashtra.gov.in या संकेतस्थळावर जाऊन त्याबाबत नोंदणी करावी. या कामासाठी परिवहन विभागाने 3 कंपन्यांची नेमणूक केली असुन त्यांच्यामार्फतच लावणे बंधनकारक आहे. इतर कोणत्याही अनधिकृत विक्रेत्याकडुन लावलेल्या नंबर प्लेटची नोंद केंद्र सरकारच्या डेटाबेस मध्ये होऊ शकणार नाही. ही नंबर प्लेट बसविण्याकरीता 30 मार्च 2025 पर्यंत नोंदणी करावी. याविषयी काही तक्रारी किंवा शंका असल्यास परिवहन विभागाच्या पोर्टलवर अथवा dytccomp.tpt-mh@gov.in या ई-मेलवर संपर्क करावा असे आवाहन केले आहे.