एपीएमसी मार्केटमध्ये विजय, विराज कलिंगडे

| नवी मुंबई | प्रतिनिधी |
नवी मुंबई शहरातील एपीएमसी मार्केट मध्ये विजय आणि विराज असे नव्याने विकसित करण्यात आलेल्या जातीची कलिंगडे दाखल झाली आहेत. या दोन जातींच्या कलिंगडाचा लाँचिंग सोहळा एपीएमसीमध्ये पार पडला. हे कलिंगड चवीला गोड, रंगाने लालबुंद आणि आकाराने मोठे असणारे हे कलिंगड जास्त काळ टिकून राहणारे आहेत अशी माहिती व्यापारी महेश मुंढे यांनी दिली.नव्याने विकसित करण्यात आलेल्या या कलिंगडाच्या जाती अस्सल भारतीय वाण असून याचे वाण बारा महिने घेता येईल असा दावा देखील करण्यात आला आहे.

कलिंगड हे पिक घेताना बहुतांश विदेशी वाणाचा उपयोग करून उत्पन्न घेतले जाते. कोल्ड स्टोअरेज निर्माण झाल्या नंतर कलिंगड बाराही महिने मिळत होते. मात्र आता कोल्ड स्टोअरेजची गरज नसून बाराही महिने पिक घेता येईल असे वाण आरडोर सिडसचे विकास नलावडे यांनी निर्माण केले आहे. यात विजय आणि विराट असे नाव या वाणांना देण्यात आले आहे. हीच उत्पादन पहिल्यांदाच एपीएमसी मध्ये दाखल झाले असून व्यापारी महेश मुंढे यांनी ते मागवली आहेत. उन्हाळ्यात आणि पावसाळ्यातही या नव्या बीजाचे उत्पादन शेतकर्‍यांना घेता येणार आहे.