हरियाणाच्या जुलाना मतदारसंघातून विनेश विजयी

। हरियाणा । वृत्तसंस्था ।

हरियाणाच्या जुलाना विधानसभा मतदार संघातून ऑलिम्पिकपटू विनेश फोगाट विजयी झाली आहे. या निवडणुकीत विनोश फोगाट विरोधात भाजपच्या योगेश कुमार यांच्यासह 13 उमेदवार निवडणूकीच्या रिंगणात होते. आज या निवडणुकीच्या मतमोजणीमध्ये विनेशने 5 हजार 763 मतांनी विजय मिळवून भाजपच्या योगेश कुमार यांचा पराभव केला. 15 व्या फेरीअखेर तिला 64 हजार 491 मते मिळाली. तर प्रतिस्पर्धी उमेदवार भाजपचे योगेश कुमार यांना 58 हजार 728 मते मिळाली. विनेशला काँग्रेसने उमेदवारी दिली होती. काँग्रेसला गेल्या 25 वर्षांत जमले नाही, ते विनेशने करुन दाखवले आहे. त्यामुळे विनेशवर अभिनंदनाचा वर्षाव होत आहे.

विनेशने भाजपाचे खासदार तथा भारतीय कुस्ती महासंघाचे तत्कालीन प्रमुख ब्रिजभूषण सिंग यांच्यावर महिला खेळाडूंनी लैंगिक अत्याचाराचे आरोप लावले होते. या विरोधात न्याय मागण्यासाठी कुस्तीपटूंनी आंदोलनदेखील उभारले होते. त्यानंतर पॅरिस ऑलिम्पिकमध्ये वजन वाढल्याने तिला बाद ठरवण्यात आल्याने ती सुवर्ण पदकापासून वंचित राहीली होती. त्यानंतर तीने जुलाना विधानसभा मतदार संघातून निवडणूक लढवली आणि जिंकलीदेखील.