युद्धवीर अ‍ॅडमिरल रामदास यांचे निधन

। अलिबाग । विशेष प्रतिनिधी ।

माजी नौदल प्रमुख अ‍ॅडमिरल लक्ष्मीनारायण रामदास यांचे शुक्रवारी (दि.15) वयाच्या 90 व्या वर्षी तेलंगणामध्ये निधन झाले. रामदास यांचा जन्म 5 सप्टेंबर 1933 साली तामिळ ब्राह्मण कुटुंबात झाला. 1990 ते 1993 या काळात त्यांनी 13 वे नौदल प्रमुख म्हणून काम केले. रामदास यांनी आम आदमी पार्टीचे अंतर्गत लोकपाल म्हणून काम केले. रामदास हे क्रीडाप्रेमी होते. क्रिकेट, गोल्फ आणि नौकाविहाराचा ते आनंद घेत असे. निवृत्तीनंतर रामदासांनी अलिबाग तालुक्यातील भायमळा येथे वास्तव्य केले. त्याने आपल्या पत्नीसह विविध डाव्या-उदारमतवादी कारणांसाठी स्वतःला वाहून घेतले. त्यांच्या पश्‍चात पत्नी ललिता रामदास, तीन मुली, जावई, नातवंडे असा परिवार आहे.