| नवी दिल्ली | वृत्तसंस्था |
दोन वेळा राष्ट्रकुल क्रीडा स्पर्धेतील विजेती भारताची वेटलिफ्टर संजिता चानू हिच्यावर राष्ट्रीय उत्तेजक विरोधी संस्थेने गेल्या वर्षी डोप चाचणीत अपयशी ठरल्याने चार वर्षांची बंदी घातली आहे. संजिताने गेल्या वर्षी सप्टेंबर-ऑक्टोबरमध्ये गुजरातमध्ये झालेल्या राष्ट्रीय खेळांदरम्यान अ‍ॅनाबॉलिक स्टिरॉइड-ड्रोस्टॅनोलोनच्या मेटाबोलाइटसाठी सकारात्मक चाचणी केली होती, जी जागतिक उत्तेजक विरोधी एजन्सीच्या प्रतिबंधित यादीत आहे. चार वर्षांची बंदी चानूच्या कारकिर्दीला मोठा धक्का आहे.
भारतीय कुस्ती महासंघाचे अध्यक्ष सहदेव यादव यांनी संजितावर बंदी घालण्यात आल्याची पुष्टी केली. ते म्हणाले, संजितावर नाडाने चार वर्षांची बंदी घातली आहे. संजितासाठी हा मोठा धक्का आहे. हिने राष्ट्रीय क्रीडा स्पर्धेत रौप्य पदक जिंकले होते, ते हिरावून घेतले आहे. मात्र याबाबत त्यांनी अद्याप कोणतीही प्रतिक्रिया दिलेली नाही.
2014 मध्ये ग्लासगो कॉमनवेल्थ गेम्समध्ये संजिताने 48 किलो वजनी गटात सुवर्णपदक जिंकले होते. 2018 मध्ये गोल्ड कोस्ट कॉमनवेल्थ गेम्समध्येही तिने 53 किलो वजनी गटात सुवर्णपदक जिंकले होते. मणिपूरमधील संजीता हिच्याकडे अजूनही या निकालावर अपील करण्याचा पर्याय आहे, परंतु ती तसे करेल की नाही हे निश्‍चित नाही.