तरण तलावात बुडून तरुणाचा मृत्यू 

| पनवेल | वार्ताहर |

शहरातील कर्नाळा स्पोर्ट्स अ‍ॅकेडमी येथील तरण तलावात आपल्या मित्रासह पोहण्यास गेलेल्या एका 18 वर्षीय तरुणाचा पाण्याचा अंदाज न आल्याने बुडून मृत्यू झाल्याची घटना घडली आहे. अनिष अब्दुल अलीम शेख रा. मानखुर्द असे मयत तरुणाचे नाव आहे. या घटनेची नोंद पनवेल शहर पोलीस ठाणे येथे आकस्मित मृत्यू म्हणून करण्यात आली असून, पुढील तपास म. सहा. पोलीस निरीक्षक सारिका झांझुर्णे करीत आहेत.