कारला धडकून तरुणाचा मृत्यू
। वसई । वृत्तसंस्था ।
वसईत दुचाकी आणि कारचा अपघात झाला आहे. एक दुचाकीचालक कारला धडकल्याने गंभीर जखमी झाला होता. मात्र, उपचारादरम्यान त्याचा मृत्यू झाला.
हा अपघात मंगळवारी (दि. 09) दुपारी साडेतीनच्या सुमारास वसई पश्चिमेच्या सनसिटी परिसरातील तुळजा माता मंदिरासमोर घडला आहे. दुचाकीचालक अमित शाहाणी (20) हा तरुण भरधाव वेगात ओव्हरटेक करत असताना तो समोरील कारवर येऊन धडकला. यात तो गंभीर जखमी झाला. कार चालकाने जखमी तरुणाला तात्काळ जवळच्या रुग्णालयात दाखल केले. मात्र, उपचारादरम्यान त्याचा मृत्यू झाला. याबाबत माणिकपूर पोलीस ठाण्यात अपघाताचा गुन्हा दाखल झाला असून या प्रकरणाचा अधिक तपास चालू आहे.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.