। मुरुड-जंजिरा । वार्ताहर ।
जागतिक स्तरावरील ऑनलाईन पद्धतीने झालेल्या पेंटाथॉन या प्रदर्शनाला लंडन बुक ऑफ रेकॉर्डस्मध्ये स्थान मिळवून देणार्या ॠषीकेश चंद्रकांत गाणार या भारतीय चित्रपट सृष्टीतील संगीत व ग्राफिक्स विभागात फ्रीलांसर आर्टीस्ट म्हणून काम करणार्या नांदगावच्या कलाकाराचे ख्यातनाम संगीतकार गायक अजय-अतुल यांनी कौतुक केले आहे.
28 मे हा दिवस जागतिक स्तरावर मासिक पाळी स्वच्छता दिन म्हणून पाळला जातो. हा विशेष दिवस मासिक पाळीच्या स्वच्छता व्यवस्थापनाचे महत्व सांगण्यासाठी व महिलांना शिक्षित करण्यासाठी प्रदर्शन भरवून साजरा केला जातो. मुंबईतील संस्कृती आर्टस् या संस्थेच्या संयोजनाखाली हे भव्य प्रदर्शन एकाचवेळी भारतासह पॅरिस व लंडन येथे सुरु होते. या समाज विधायक व जनजागृतीपर जागतिक अभियानात सहभागी सदर कलाकृतीचे संगितकार अजय अतुल यांनी कौतुक करुन आपल्या संग्रही ठेवली आहे. ॠषीकेशच्या या यशाबद्दल मुंबईसह नांदगाव ,मुरुड आदी भागातील लोकांनी विशेष कौतुक केले आहे.